Miene naam is Remco Bovee,

Ich woen op Steyl bin 39 joar en bin bijna 12 joar getrouwd met mien vrouw Anita en same hebbe weej 4 kinger. In Venlo zulle de meiste minse mich veurnamelijk kenne onder mien verschillende alter ego’s zoe bin ich al verschillende joare De Koelie van VVV-Venlo en heb ich een eigen entertainment bedrief woadoar vuul minse mich zulle kenne as Meneer Confetti, Sinterkloas, Piet, kersman, Elfje of poashaas en auch doon weej aan partyverhuur. Langs mien eigen bedrief bin ich nog werkzaam in de ongediertebestrijding as weringsspecialist en bouwkundig inspecteur door ut ganse land.

Toen der 2 joar geleeje verschillende dinger gebeurde beej mich in de wiek woa de gemeinte niks aan deej kwaam ich een facebookpost van de PVV teage woa in ze opreepe aan minse oet Venlo die teage dinger aanleepe in eur buurt um contact met eur op te neme. Dit heb ich vervolgens den auch gedoan. Noadet ozze huidige fractieleider Denis Donders beej mich langs is geweas en we same noa deze problemen hebbe gekeke woorte ze inens opgelost. Dees manier van werke beveel mich waal en Denis nuudigde mich oet um ens aan te sloete beej eur fractievergadering. Van ut ein kwaam ut ander en ich bin nimmer weg gegoan. Sinds een joar bin ich burgerroadslid veur de PVV in os prachtige gemeinte en beej de komende gemeinteroadsverkeezingen de nummer 3 van de kandidatenliest veur de PVV. In ut aafgeloupen joar heb ich mich as burgerroadslid veurnamelijk ingezatte in de commissie sociaal woa ich al inkele kiere ut woord heb meugen veuren bij verschillende ongerwerpe. Dit hoap ich noa de verkiezinge as roadslid door te kenne zette en de komende joare vaker te kenne en meuge doon.

Op deze manier hoap ich veur elke Venlonaer miene stein te kenne beejdrage aan een leafbare buurt veur jonk en ald. Woa in de Venlonaer zelf weer op 1 mot komme te stoan. Want veiligheid en leafbaarheid van ozze venlonaer stijt veurop. Venlonaere motte zich veilig veule op stroat. ouch op de woeningmert motte os eige minse weer veurop stoan en wille weej gen veurrang mier veur statushouders.

Same goan weej zurge det Venlo van os blief.